TRABAYAMOS UNA NOTICIA

Xapón 

Xapón trabaya d'urxencia pa evitar una fusión

Fecha: 17/03/2011 a les 11:31:17 Según los técnicos, güei ye'l día clave de la central de Fukushima: o se llogren controlar los reactores más dañaos, que son el tres y el cuatro, o la situación pue convertise nun cuadru de gravedá estrema. El Gobiernu xaponés ta intentado refrixerar estos dos reactores tres comprobar que tán perdiendo muncha agua y les barres de combustible tán a punto de quedar al descubiertu.

Dellos helicópteros del Exércitu rociaron con agua de mar el reactor 3 (el más peligrosu porque tiene plutoniu en cuenta d'uraniu) nuna midida desesperada pa evitar la fusión de los núcleos. En total llanzaron en caún de los sos cuatro vuelos 7.500 litros.

Si nun foren quién a evitar la fusión, los niveles de radiación seríen tan altos que los trabayadores nun podríen siguir participando nos llabores d'estinción d'incendios y refrixeración. Ta previsto que camiones norteamericanos s'incorporen a los trabayos. Güei xueves, el nivel de radiación alredor de la central yera de 3.000 microsievert por hora, frente a los 1.000 microsievert al añu que se consideren seguros pa la salú humana.

L'Organismu Internacional d'Enerxía Atómica difundió en Facebook una nota col balance de los mancaos hasta agora. Ente los 23 lesionaos hai xente que tien güesos rotos, afectaos poles diferentes esplosiones de los reactores, amás d'una ventena d'afectaos por distintos graos de radiación. El cuadru ye esmolecedor pa la salú de los que yá se conocen como los valientes de Fukushima, 180 operarios que volvieron a la central.

Per otra parte, el balance nuevu de víctimes del terremotu y del tsunami ye de 5.198 muertos y unos 8.600 desaparecíos, según los datos oficiales. Sicasí, les autoridaes tienen mieu que'l númberu de fallecíos siga xubiendo y llegue a 10.000, porque nes últimes hores alcontráronse dellos cuerpos en puntos de la costa nororiental, y que les cifres de desaparecíos y rescataos se vaigan multiplicando nestos díes.

-¿qué?: Una fusión nuclear.
-¿quién?: Una centlal nuclear en Xapón.
-¿cuámdo?: Esta selmana.
-¿como?: Rompio la capsula que protexe el nucleu.
-¿ónde?: En Xapón.
¿por qué? Porque foi un terremoto.

Resumen.
La selmana pasa en Xapón tuvo yugar un terremotu que orixinó una fusion nuna central nuclear, que rompió la caosula que guardaba un material per peligrosu y que pué orixinar millones de muertes.

Opinión.
Na mi opinión les centrales nuclares teníen que tener mas protección pa poder evitar contra estos casos tan particulares de catastrofes, ya que las enerxía nuclear tien muxa importancia pa la nuestra vida.